सिरिया– सिरियाको हामा प्रान्तमा सिरियाली सेना र आतंकवादी संगठन अल कायदा सम्वद्ध विद्रोही समूहबीच भएको भीडन्तमा कम्तीमा २१ सिरियाली सेनाको ज्यान गएको छ ।
सिरियाली विद्रोहीको नियन्त्रणमा रहेको इडलीब प्रान्तको सीमा क्षेत्रको मसास्ना गाउँनजिक सिरियाली सेनालाई लक्षित गरी आक्रमण भएको सिरियाली युद्धको अनुगमन गरिरहेको संस्थाले जनाएको छ । सिरियन अब्जरभेटरी फर ह्युमन राइट्सका अनुसार विद्रोहीको आक्रमणमा ५ लडाकु पनि मारिएका छन् ।
आक्रमणको जिम्मेवारी अल कायदासम्बद्ध अन्सर अल तौहिद समूहले लिएको जनाइएको छ ।
सिरियाली सेनालाई लक्षित गरी भएको यो आक्रमणमा पछिल्ला केही महिनायता भएको सबैभन्दा घातक आक्रमण हो ।
प्रतिक्रिया