काठमाडौं- हिमाली चितुवा नामले परिचित नेपाली खेलाडी अबिरल घिमिरेले जापानी बक्सरलाई हराउँदै कीर्तिमानी राखेका छन् ।
लामो समयदेखि जापानमा बसेर किक बक्सिङमा वर्चश्व राख्न सफल घिमिरेले आइतबार जापानका खेलाडीलाई हराउँदै कीर्तिमान रचेका हुन् ।
उनले जापानका २८ वर्षीय खेलाडी अकिफी ओयोलाई पहिलो राउण्डमा नै पराजित गरेका थिए । काठमाडौं चन्द्रागिरी निवासी घिमिरेले जापानी खेलाडीलाई २ मिनेट ३० सेकेण्डमा नै पराजित गरेका थिए ।
उनले विभिन्न राष्ट्रका खेलाडीसँग १२ वटा भिडन्तमा ११ वटामा जित हासिल गरेका थिए भने एक म्याच बरावरीमा रोकिएको थियो ।
प्रतिक्रिया