कैलाली– सशस्त्र प्रहरीका हवल्दार र जवान २० हजार रुपैयाँ घुससहित पक्राउ परेका छन् ।
भारतबाट मालसामान क्यारिङ गरी ल्याउने व्यक्तिसँग लिएको घुससहित सशस्त्र प्रहरी हवाल्दार ज्ञाबहादुर चौधरी र सशस्त्र प्रहरी जवान रतिराम चौधरी पक्राउ परेका हुन् ।
अख्तियार दुरुपयोग अनुसन्धान आयोगको कञ्चनपुरस्थित कार्यालयबाट खटिएको टोलीले दुवै जनालाई घुससहित पक्राउ गरेको हो ।
दुवै जनालाई घुस रकम लिइसकेको अवस्थामा कैलालीको भजनी नगरपालिका–१ स्थित वेलकम कटेज नजिकबाट नियन्त्रणमा लिइएको अख्तियारले जनाएको छ ।
घुस रकमसहित पक्राउ परेका दुवै जनामाथि थप अनुसन्धान भइरहेको अख्तियारका केन्द्रीय प्रवक्ता प्रदीपकुमार कोइरालाले जानकारी दिए ।
प्रतिक्रिया