वालिङ– स्याङ्जाको गल्याङमा बुधबार जीप दुर्घटना हुँदा दुई जनाको मृत्यु भएको छ ।
गल्याङ प्रहरी चौकीकाअनुसार पाल्पाको रामपुरबाट गल्याङका लागि छुटेको लु १ ज ३८४१ नम्बरको जीप गल्याङ ३ बुटवल पावर कम्पनी नजिकैबाट झण्डै ४ सय मिटर तल खस्दा जीपमा सवारमध्येकी एक महिला र एक बालकको मृत्यु भएको हो ।
मृत्यु भएका दुवै जनाको सनाखत हुन सकेको छैन ।
२६ जना घाइतेमध्ये केहीलाई तानसेन रिफर गरिएको छ भने केहीको स्थानीय गल्याङ सामुदायिक स्वास्थ्य केन्द्रमा उपचार भइरहेको छ । दुर्घटनामा पर्नेहरुमा तीज मनाएर घर फर्कदै गरेका महिला धेरै छन् ।
प्रतिक्रिया