काठमाडौं– ह्याकरले बैंकका एटीएमबाट रकम निकालेको विषयमा अनुसन्धान गरिरहेको प्रहरीले नेपाल इलेक्ट्रोनिक पेमेन्ट सिस्टम (नेप्स) का प्रमुख कार्यकारी अधिकृतसँग सोधपुछ गरेको छ ।

प्रहरीले नेपाल इलेक्ट्रोनिक पेमेन्ट सिस्टम (नेप्स) का प्रमुख कार्यकारी अधिकृत प्रविण क्षेत्रीलाई सोधपुछको लागि बोलाएको छ ।

महानगरीय प्रहरी परिसर काठमाडौंका प्रमुख एसएसपी उत्तमराज सुवेदीले क्षेत्रीलाई सोधपुछका लागि बोलाइएको जानकारी दिए ।

११ वटा बाणिज्य बैंक र सातवटा विकास बैंक आवद्ध नेप्सको सिस्टम चिनियाँ ह्याकरले ह्याक गरी ठूलो परिणाममा पैसा निकालेका थिए ।

रकम निकाल्ने कार्यमा संलग्न ६ जनालाई प्रहरीले डेढ करोड भन्दा बढी रकमसहित पक्राउ गरेको थियो । उनीहरुमाथि थप अनुसन्धान भइरहेको प्रहरीले जनाएको छ ।

गत शनिवार चिनियाँ ह्याकरले नेपाल इलेक्ट्रोनिक पेमेन्ट सिस्टम (नेप्स) को प्रणाली ह्याक गरी एटीएमबाट रकम लुटेका थिए । यो घटनमा ६ जना चिनियाँ र तीन जना नेपाली पक्राउ परिसकेका छन् ।