काठमाडौं– रिवन इन्टरटेनमेन्ट प्रालिले आयोजना गर्न लागेको पाँचौ संस्करणको मिसेस नेपाल इन्टरनेसनलका लागि ३६ जना सुन्दरी छानिएका छन् ।

विभिन्न पेशाकर्मी र गृहणी लगायत प्रतिस्पर्धाका लागि छनोट भएका छन् । लैगिंक असमानता विरुद्धको अभियान भन्ने मुल नाराका साथ आयोजना हुने पेजेन्ट निर्देशक निशुकान्त झाले जानकारी दिइन् ।

प्रतियोगितामा सामेल महिलाहरुले करिव ६ हप्ताको तालिम र विभिन्न चरण पार गर्दै आगामी असोज ४ गते नेपाल प्रज्ञा प्रतिष्ठान कमलादीमा अन्तिम प्रतिस्पर्धा गर्नेछन्।

अश्विनी झाको कोरियोग्राफी र कार्यक्रम सञ्चालनमा हुने प्रतियोगितामा बिजेताले नेपालका तर्पmबाट अन्तराष्ट्रिय प्रतियोगितामा सहभागी हुने अवसरका पाउनुका साथै स्कुटर उपहार प्रदान गरिने आयोजकले जनाएको छ । त्यस्तै प्रथम दोश्रो र तेश्रो उपविजेताहरुले विभिन्न अवसरका साथै अन्तराष्ट्रिय पेजेन्टमा भाग लिने अवसर समेत पाउनेछन् ।

यस अघि भएका प्रतियोगितामा सविता लामिछाने, अनुपमा राई, सुरुची पाण्डे र चन्दा थापा गिरी विजयी भएका थिए । चन्दाले अघिल्लो वर्ष सिंगापुरमा सम्पन्न अन्तराष्ट्रि प्रतियोगिता मिसेस इन्टरनेसनलमा सहभागिता जनाउँदै मिसेस एसिया प्यासिफिकको उपाधि जित्न सफल भएकी थिइन् ।