एजेन्सी– म्यान्चेस्टर युनाइटेडका फरवार्ड एलेक्सिस सान्चेजले म्यान्चेस्टर युनाइटेड आएकोमा आफूलाई कुनै पश्चाताप नभएको बताएका छन् । तर सफलताका लागि पर्याप्त समय खेल्न नपाएको उनले बताएका छन् ।

३० वर्षीय चिलीका खेलाडी सान्चेज ओर्ड ट्राफोर भित्रिएको १९ महिनापछि इटलियन क्लब इन्टर मिलानका लागि लोनमा गएका छन् ।

सान्चेज म्यान्चेस्टर युनाइटेडका सबैभन्दा धेरै कमाइ गर्ने खेलाडी थिए । उनले हप्ता ४ लाख पाउन्ड लिन्थे तर पनि उनले ४५ खेलबाट ५ गोल मात्र गर्न सके । उनी जनवरी २०१८ मा आर्सनलबाट म्यानयू गएका थिए ।

‘म जब आर्सनलमा थियो, त्यो निकै रामाइलो क्षण थियो, त्यहाँ म खुसी थिएँ । तर युनाइटेड नयाँ दिशा तर्फ अघि बढिरहेको थियो, उनीहरुले खेलाडी नयाँ किनिरहेका थिए, केही जित्नका लागि’ उनले भने,‘सबै जित्नका लागि म त्यहाँ जान चाँहे र मलाई कुनै पश्चाताप छैन ।’
साञ्चेजले आर्सनलमा रहदाँ १ सय ६६ खेलमा ८० गोल गरेका थिए ।

उनी सन् २०१४ मा बार्सिलोनामा ३० मिलियन पाउण्डमा आर्सनल आएका थिए । उनी सन् २०१७ मा प्रोफेसनल फुटबलर्स एसोसियसन प्लेयर्सको बर्ष खेलाडीमा समेत मनोनयनमा परेका थिए ।