काठमाडौं– पूर्व युवराज्ञी हिमानी शाहले पत्रकार सम्मेलन गर्न लागेकी छिन् ।

हिमानी ट्रष्टले पत्रकार सम्मेलन गरेर आफ्ना धारणा राख्न लागेको पूर्वराजा ज्ञानेन्द्र शाहको सचिवालयले जनाएको छ ।

पूर्वराजाका संवाद सचिव डा फणिराज पाठकले आज दिउँसो १ बजे ट्रष्टको कार्यालयमा पत्रकार सम्मेलन आयोजना गर्न लागेको जानकारी दिए ।

ट्रस्टको कार्यालय बालुवाटारमा १ बजे पूर्व यवाराज्ञी हिमानी शाहको उपस्थितिमा पत्रकार सम्मेलन गर्न लागिएको पाठकले जानकारी दिए ।

हिमानी ट्रस्टकी अध्यक्ष हुन् भने पूर्व राजा ज्ञनेन्द्र शाह ट्रस्टका संरक्षक रहेका छन् ।

हिमानी ट्रस्टले सामाजिक काम गर्दै आएको छ । बाढी, पहिरोका बेलामा राहतमा ट्रस्ट सक्रिय रहने गरेको छ ।