एजेन्सी– बलिउड चर्चित नायक गोबिन्दा आहुजाले दोस्रो पटक विवाह गरेको रहस्य खोलेका छन् । उनले सन २०१५ मै दोस्रो पटक विवाह गरेको भए पनि हाल एउटा टेलिभिजन अन्तर्वार्ताका क्रममा उक्त रहस्य खोलेका हुन् ।

त्यसो त गोविन्दाले नयाँ दुलहीसँग विवाह गरेका होइनन् । आमाको आग्रहमा उनले सन २०१५ मा आफ्नै श्रीमतीसँग दोस्रो विवाह गरेका हुन् ।

सन् २०१५ जनवरीमा श्रीमती सुनितासँग उनले धुमधामका साथ विवाह गरे । जुन दोस्रो थियो । गोबिन्दाले श्रीमतीसँग दोस्रो विवाह गर्नुको कारणमा आमाको इच्छा अनुसार गरेको बताए ।

उनले भने, आमाकै इच्छा अनुसार ४९ वर्षमा पुगेर दोस्रो विवाह गरेको हुँ । कुनै समयका सुपरस्टार गोबिन्दा ९० को दशकपछि कमेडी जनरालाई नयाँ उचाई दिन सफल नायक मानिन्छन् ।

गोबिन्दाकी पत्नी सुनिता नेपाली मुलकी हुन् । त्यसैले गोबिन्दा बलिउडमा नेपाली ज्वाईको रुपमा समेत चिनिन्छन् ।