काठमाडौं – ललित स्मृती यु–१८ फुटबल च्याम्पियनसिपमा बिहीबार भएको खेलमा नेपाल पुलिस क्लबले सरस्वती युथ क्लबमाथि शानदार जीत हात पारेको हो ।

एन्फा कम्प्लेक्स सातदोवाटोमा भएको खेलमा पुलिस क्लबले सरस्वतीलाई ५–१ गोल अन्तरले पराजित गरेको हो । नेपाल पुलिस क्लबको जीतमा सञ्जु शेनले ह्याट्रिक पुरा गरे भने रविन राई र इन्सोन राईले समान एक–एक गोल गर्दा प्रहरीका क्लबका विमल सिल्वालले आत्मघाती गोल गर्दा सरस्वतीलाई राहत मिल्यो ।

सञ्जुले सरस्वतीविरुद्ध खेलको १८ मिनेट र पहिलो हाफको इन्जुरी समयमा दोस्रो गोल गर्दै टिमलाई पहिलो हाफमा २–० गोलको अग्रता बनाए भने सञ्जुले खेलको ७४ औं मिनेटमा व्यक्तिगत र टिमका लागि तेस्रो गोल गर्दै ह्याट्रिक पुरा गरेका थिए ।

यस्तै, रविनले ७७ औं मिनेटमा गोल गर्दै सरस्वतीविरुद्ध पुसलिसलाई ४–० अग्रता दिलाए भने खेलको ७८ औं मिनेटमा पुलिसका विमल सिल्वालले ७८ औं मिनेटमा आत्मघाती गोल गर्दा ५–१ को अवस्थामा पुग्यो ।

खेलको ८१ औं मिनेटमा इन्सोनले गोल गर्दै टिमलाई ५–१ गोलको जीत दिलाउन भूमिका खेले ।