संखुवासभा– प्रहरीले विप्लव नेतृत्वको नेपाल कम्युनिस्ट पार्टीका एक जना कार्यकर्तालाई अत्याधुनिक हतियारसहित पक्राउ गरेको छ ।
अत्याधुनिक हतियार र गोलीसहित विप्लव समूहका जिल्लास्तरीय एक कार्यकर्ता संखुवासभाको मेवाखोलाबाट पक्राउ गरेको हो । पक्राउ पर्नेमा निमदोर्जे तामाङ रहेका छन्। तामाङको साथबाट अत्याधुनिक हतियार एसएलआर एक थान, ११० राउन्ड गोली, एसएलआर र एलएमजीको एक–एक म्यागजिनसमेत बरामद भएको आइएजीपी सचिवालयका एसपी रमेश थापाले जानकारी दिए ।
केही दिन अघि संखुवासभाको तिलिचुङमा प्रहरी र नेकपाका कार्यकर्ताबीच झडप भएको थियो । प्रहरीले विप्लव नेकपाका गतिविधिलाई निगरानी गरिरहेको छ ।
प्रतिक्रिया