काठमाडौं – कोपा अमेरिका फुटबलको फाइनलमा ब्राजिलसँग पेरुको भेट पक्का भएको छ । आज (बिहीबार) बिहान भएको दोस्रो सेमिफाइनल खेलमा पेरुले साविक विजेता चिलीलाई ३–० गोल अन्तरले परािजत गर्दै फाइनलमा ब्राजिलसँगको भेट पक्का गरेको हो ।

यसअघिका दुई संस्करणमा उपाधि हात पारेको चिली यो संस्करणमा पनि बलियो टोलीका रुपमा हेरिएको थियो । तर, पेरुले हराएसँगै चिलीको यो वर्षको यात्रा कोपामा सकिएको छ ।

चिलीविरुद्ध पेरुले खेलको २१ औं मिनेटमा गोल गर्दै अग्रता बनाएको थियो । पेरुका लागि पहिलो गोल इडिन्सन फ्लो्रेजले गरेका थिए । त्यस्तै, खेलको ३८ औं मिनेटमा योसिमार योटुनले गोल गर्दै चिलीविरुद्ध दोहोरो अग्रता बनाएका थिए भने खेलको इन्जुरी समयमा गोल गर्दै पाओलो गुर्रेरोलेले गोल गर्दै टिमलाई ३-० को गोल दिलाएका थिए ।

योसँगै कोपाको फाइनलमा पुग्ने ब्राजिलले सोमबार पेरुसँग उपाधिका लागि खेल्नेछ । ब्राजिलले बुधबार अर्जेन्टिनालाई पराजित गर्दै कोपाको फाइनलमा स्थान बनाएको थियो ।