काठमाडौं– सत्तारुढ नेपाल कम्युनिस्ट पार्टी (नेकपा)को मंगलबार बसेको सचिवालय बैठक विना निष्कर्श टुंगिएको छ ।

केन्द्रीय सदस्यहरुको कार्यविभाजनको टुंगो लगाउने भनिएको बैठक सहमति जुट्न नसकेपछि विना निष्कर्श टुंगिएको हो ।

बैठकपछि सञ्चारकर्मीसँग बोल्दै नेकपा प्रवक्ता नारायणकाजी श्रेष्ठले सचिवालय बैठक बुधबार पुनः बस्ने बताए । प्रवक्ता श्रेष्ठका अनुसार नेकपा सचिवालय बैठक वुधबार विहान १२ बजे पुनः बस्ने छ ।

प्रवक्ता श्रेष्ठले केन्द्रीय सदस्यहरुको कार्यविभाजनको छलफल प्रारम्भ भएको बताए । ‘छलफलले पूर्णता पाइसकेको छैन । भोलि (बुधबार) १२ बजे पुनः सचिवालय बैठक बसेर त्यसलाइृ टुंग्याउने समझदारी भएको छ,’ बैठकपछि सञ्चारकर्मीसँगको कुराकानीमा श्रेष्ठले भने ।