काठमाडौं– राष्ट्रिय जनता पार्टीले संघीयतालाई ‘नाजायज औलाद’ को संज्ञा दिएको छ ।

मंगलबार प्रतिनिधिसभाको बैठकमा बोल्दै राजपाका सांसदले सरकार संघीयताको मर्म र भावना विपरित आफ्ना कार्यक्रम अघि बढाएको उल्लेख गर्दै ‘संघीयता नचाहँदा नचाहँदै जन्मिएको बच्चा’ (नाजायज औलाद) जस्तो भएको टिप्पणी गरे ।

राजपा सांसद प्रमोद साहले सरकार गठनको समयदेखि नै संसदमा संविधान संसोधनको विषय उठिरहे पनि अहिलेसम्म सम्बोधन नभएको भन्दै सरकारको ध्यानाकर्षण पनि गराए ।

प्रधानमन्त्री केपी ओली स्वयम्ले आवश्यकता र औचित्यका आधारमा संविधान संसोधन गर्छु भनिरहँदा पनि अझैसम्म संविधान संसोधन प्रक्रिया अघि नबढाएको भन्दै सांसद साहले आपत्ति जनाए ।

साहले सरकार नश्लवादी चिन्तन र सोचबाट ग्रसित भएर बसेको आरोप लगाए ।