चितवन– धुर्मुश सुन्तली फाउन्डेसनले निर्माण थालेको अन्तर्राष्ट्रिय क्रिकेट रंगशाला सुरक्षाका लागि लगाइएको बार भत्काएको आरोपमा पक्राउ परेका १८ जनामध्ये १४ जना छुटेका छन् ।

अभद्र व्यवहार गरेको आरोपमा मुद्दा चलाइकामध्ये १४ जना हाजिरी जमानीमा छुटेका हुन् । मुख्य आरोपित प्रकाश कँडेलसहित भैरव वस्ताकोटी, सुरेन्द्र विक र ध्रुब चापागाई भने थुनामै रहेका छन् ।

हाजिरी जमानीमा छुटेकाहरुमा तुलसी गुरुङ, देव तामाङ, राजन सापकोटा, सन्जु गुरुङ, कृष्ण कँडेल, दिपक आचार्य, राजु सापकोटा, देव गुरुङ, विपिन भट्टराई रहेका छन् । त्यस्तै महिलाहरु पारु परियार, यसोदा पौडेल, कोपिला सापकोटा, ईश्वरी माया तामाङ र मन्जु चापागाई रहेका छन् ।

स्थानीयले भत्काइएको बार ठड्याएसँगै धुर्मुस सुन्तली फाउण्डेसनले रंगशाला निर्माणको कामलाई सुचारु गरेको छ ।