काठमाडौं : इन्डियन प्रिमियर लिग (आइपिएल) मा नेपाली लेग स्पिनर सन्दीप लामिछाने आवद्व टोली दिल्ली क्यापिटल्सले राजस्थान रोयल्सलाई पराजित गरेको छ। राउन्ड रोविनको अन्तिम खेलमा राजस्थानविरुद्व दिल्लीले ५ विकेटको जीत हात पारेको हो।

टस जितेर पहिलो ब्याटिङ गरेको राजस्थानले दिएको १सय१६ रनको लक्ष्य दिल्लीले १६.१ बल बाँकी छदाँ ५ विकेट गुमाएर भेट्टायो। राजस्थानले २० ओभर पुरा खेल्दै ९ विकेट गुमाएर १ सय १५ रन बनाएको थियो।

जवाफी ब्याटिङमा दिल्लीले १६. १ ओभरमा ५ विकेट गुमाएर १२१ रन बनायो। दिल्लीको जीतका लागी रिसब पन्तले ३८ बलको सामना गर्दै नट आउट ५३ रन जोडे । जितसँगै दिल्ली दोस्रो स्थानमा उक्लिएको छ।

चेन्नई सुपर किंग्स १८ अंकसहित पहिलो स्थानमा रहँदा समान अंक भए पनि नेट रनरेटका आधारमा दिल्ली दोस्रो स्थानमा छ। नेपाली स्पिनरलाई भने दिल्लीले मैदान उतारेन। यो सिजनको अाईपीएलमा ६ खेलमा ८ विकेट लिएपनि सन्दीपले रन नियन्त्रण गर्न सकेका छैनन्।