काठमाडौं – फिल्म ‘यात्रा’ को गीत सार्वजनिक गरिएको छ । चैत्र २९ गतेबाट रिलिज हुने फिल्म ‘यात्रा’ को उक्त गीत युट्युबमार्फत सार्वजनिक गरिएको हो ।

मेलिना राईले स्वर दिएको उक्त गीतमा दिवेश उप्रेती र प्रतीक पौडेलका शब्द छन् भने कोविज बज्र र प्रतीक पौडेलको संगीत सुन्न सकिन्छ ।

गीतको भिडियोमा नायिका मलिका महतलाई देख्न सकिन्छ । भिडियोमा मलिकालाई गायिकाका रुपमा प्रस्तुत गरिएको छ । उनले एक कार्यक्रममा लाइभ गाइरहेको देख्न सकिन्छ ।

सलिनमान बनियाको समेत मुख्य भूमिका रहेको यो फिल्म सलिन र मलिकाको कथासँगै अगाडि बढ्छ । फिल्ममा सलोन बस्नेत, रियर राई, प्रेक्षा बज्राचार्य, जाह्नवी बस्नेत, विशाल कटुवाल लगायतका कलाकारले अभिनय गरेका छन् ।

समृद्धि राई र जयनन्द लामाको गेस्ट रोल रहेको फिल्ममा अंकित सङ्गौला, एञ्जेल राई र उपकार पाण्डेलाई बालकलाकारका रुपमा देख्न सकिनेछ ।

फिल्ममा लेखन तथा निर्देशन सम्राट शाक्यको रहेको छ ।