न्यूजिल्याण्ड–न्यूजिल्याण्डको क्रिष्टचर्च शहरमा रहेका दुई मस्जिदमा आक्रमण गर्ने बन्दुकधारीविरुद्ध हत्या सम्बन्धी ५० वटा तथा हत्या प्रयाससम्बन्धी ३९ वटा अभियोग दर्ता गरिएको छ ।
गत मार्च १५ मा ५० जनाको ज्यान जानेगरी मुसलमान धर्मावलम्बीविरुद्ध भएको आक्रमणमा संलग्न बन्दुकधारीविरुद्ध न्यूजिल्याण्डका अभियोजनकर्ताले अभियोग दर्ता गरेका हुन् ।
यसअघि उनीविरुद्ध हत्यासम्बन्धी एक अभियोगमा मुद्धा दायर गरिएको थियो । त्यस अभियोगको सुनुवाई भने भइसकेको छैन ।
न्यूजिल्याण्डको प्रहरीले उनीविरुद्ध थप अभियोग पनि लगाउने तयारी भइरहेको जनाएका छन् ।
संदिग्ध आक्रमणकारी अष्टे«लियन नागरिक २८ वर्षे ब्रेण्टन टर्राण्ट शुक्रबार अदालतमा हाजिर हुने कार्यक्रम छ ।
प्रतिक्रिया