काठमाडौं– शीर्ष स्थानको लिभरपुलसँग १ अंकको झिनो दुरी बनाउँदै म्यान्चेस्टर सिटी इंग्लिस प्रिमियर लिगको शीर्ष स्थानमा उक्लिएको छ । बुधबार राति कार्डीफ सिटीलाई पराजित गरेको सिटी शीर्षस्थानमा उक्लिन सफल भएको हो ।

सिटीले कार्डिफलाई २—० गोल अन्तरले पराजित गरेको हो । सिटीका लागि केभिन डे ब्रुयाने र लेरोय सानेले गोल गरेका हुन् । ब्रुयानेले खेलको छैठौं मिनेटमा गोल गर्दै टिमलाई अग्रता दिलाएका थिए भने सानेले ४४ औं मिनेटमा गरे ।

अन्तिमसम्म पनि कार्डिफले गोल गर्न नसकेपछि सानेको गोल सिटीको जितका लागि निर्णायक बनेको थियो ।

प्रिमियर लिगको शीर्ष दुई टिम सिटी र लिभरपुलबीच निकै प्रतिस्पर्धा चलिरहेको छ । यदि एउटा टिमले पनि हार व्यहोर्यो अथवा कुनै टिमसँग अंक बाड्यो भने पनि लिगमा शीर्ष टोली दुरी बढाउने छ । अहिले सिटी र लिभरपुलबीच १ अंकको दुरी छ । जीत हात पाएको सिटीले ८० अंक बनाएको छ भने ७९ अंक छ ।