काठमाडौं-रियल मड्रिडले यो सिजनको नवौं हार व्यहोर्दा मुख्य प्रशिक्षकका रुपमा नयाँ कार्यकाल सम्हाल्न आएका जिनेदिन जिदानले ला—लीगामा पहिलो हार व्यहोरेका छन् । बुधबार राति भएको खेलमा रियल भ्यालेन्सियासँग पराजित भएसँगै जिदानेले पहिलो हार व्यहोरेका हुन् ।

यो सिजनमा कमजोर प्रदर्शन गर्दै आएको रियल भ्यालेन्सियासँग २—१ गोल अन्तरले पराजित भएको हो । गोनकालो ग्युडेसले खेलको ३५ औं मिनेटमा गोल गर्दै रियलविरुद्ध अग्रता बनाएका थिए । त्यस्तै, पहिलो हाफमा १—० पछि परेको रियलविरुद्ध भ्यालेन्सियाका इजेक्वाएल ग्यारेले गोल गर्दै टिमका लागि २—० को अग्रता बनाए । उनले खेलको ८३ औं मिनेटमा गोल गरेका थिए ।

भ्यालेन्सियाविरुद्ध रियलका करिम बेञ्जमाले अन्तिम समयमा गोल गर्दै एक गोल फर्काएका थिए । रियलमाथि जीत निकालेको इजेक्वाएलको गोल निर्णायक बन्यो ।