वीरगन्ज– पर्सा प्रहरीले ११ किलो चरेशसहित ३ जनालाई पक्राउ गरेको छ ।

वीरगन्ज महानगरपालिका–११ रानीघाट बस्ने ५५ वर्षी रामबालक प्रसाद विनको घरबाट प्रहरीले ११ किलो चरेश बरामद गरेको हो ।

प्रहरीका अनुसार विनले घरको आँगनमा थुप्रो पारेर बाँसले छोपेर चरेश लुकाएर राखेका थिए । प्रहरीले विनलाई घरबाटै नियन्त्रणमा लिएको थियो ।

अनुसन्धानको क्रममा उक्त ११ किलो चरेश तस्करीमा भारत कानपुर बस्ने ४४ वर्षीय मयंक बाजपेइ र मकवानपुरको थाहा नगरपालिका–८ बस्ने सोमलाल थिङ्गलाई पनि पक्राउ गरिएको प्रहरीले जनाएको छ ।

यस्तै इलाका प्रहरी कार्यालय इनर्वाबाट खटिएको प्रहरी टोलीले चरेशसहित १ जना भारतीय नागरिकलाई नियन्त्रणमा लिएको छ ।

पक्राउ पर्नेमा भारत मोतिहारीको रक्सौल घर भएका २६ वर्षीय खर्सेद अन्सारी छन् । उनको साथबाट ४ पोका नरेश बरामद भएको प्रहरीले जनाएको छ ।

प्रहरीका अनुसार वीरगन्जबाट राक्सौलतर्फ जाँदै गरेको अवस्थामा चेकजाँच गर्दा अन्सारीको साथमा चरेश फेला परेको थियो ।