फेसबूकले आफ्नो फोटो शेयररिङ एप मोमेन्ट्सलाई बन्द गर्ने तयारी थालेको छ । लोकप्रियताका हिसावले खासै प्रभावकारी नभएकाले मोमेन्ट्स बन्द गर्न लागिएको फेसबूकले जनाएको छ ।
फेसबूकले मोमेन्ट्स एपलाई सन् २०१५ मा लञ्च गरेको थियो । यो एपको मद्दतबाट आफ्नो फोनमा सेभ भएका फोटोहरुलाई फेसबूकमा अपलोड नै नगरी आफ्ना फेसबूक फ्रेन्डसँग शेयर गर्न सकिन्थ्यो ।
अब फेब्रुअरी महिनाको २५ तारिख पछि मोमेन्ट्स एप डाउनलोडका लागि उपलब्ध हुने छैन । मोमेन्ट्सलाई बन्द गर्नु अगाडि प्रयोगकर्तालाई आफ्ना फोटोहरुलाई कम्प्युटर या मेमोरीमा फेसबूकबाट बनाइएको एक वेबसाइटको माध्यमबाट एक्सपोर्ट गर्नका लागि मौका दिइने छ ।
प्रतिक्रिया