दक्षिण कोरिया गणतन्त्रात्मक देश हो । यसको राजधानी सोल हो । कोरियाको अरु प्रमुख शहरहरु बुसान, इन्चोन, डाइजोन, ग्वाँङजु हो । मुख्य भाषा कोरियन हो । तर अंग्रेजी भाषा पनि त्यत्तिकै प्रयोग हुन्छ । कोरिया रोजगारीका लागि आउने विदेशी कामदारले अनिवार्य कोरिया भाषा जानुपर्छ । कोरिया सरकारले विदेशी कामदारलाई विषेश सेवा सुविधा र बेग्लै ऐन बनाएको छ ।

कोरियन मुद्रालाई वन हो । सय वन बरावर झण्डै १० रुपैयाँ १९ पैसा हुन्छ । यो विनिमय दर अमेरिकी डलरको भाउको घटबढ भएसँगै उतारचढाव भइरहन्छ । दक्षिण कोरियन नागरिक बौद्ध र क्रिश्चियन धर्म मान्छ । कोरियामा जाडो मौसम चिसो र सुख्खा हुन्छ । गर्मीमा भने ओसिलो र तातो हुन्छ ।

कोरिया सरकारले नेपाली कामदार ईपीएस प्रणाली अन्र्तगत रोजगारीको लागि सन् २००८ देखि लिन थालेको हो । ईपीएस कोरिया शाखाका अनुसार सम्झौता हुनुअघि आफ्नै तरिकाले झण्डै ४ हजार कामदार कोरिया गएका थिए । कोरियामा अहिले झण्डै ५६ हजार नेपाली कामदार छन् ।

जसमा ८० प्रतिशत नेपाली युवा औद्यागिक क्षेत्रमा काम गर्छन् । २० प्रतिशत युवा कृषि तथा पशुपालन क्षेत्रमा काम गर्छन । रोजगारीका लागि कोरिया जान कोरियन भाषा जान्न जरुरी छ । त्यसैले नेपाल सरकारले लिने रोजगार अनुमति प्रणाली (ईपीएस) परीक्षा उत्तीर्ण गर्नेले मात्रै कोरियामा रोजगारी पाउँछन् । भाषासँगै सीप पनि सिक्न जरुरी छ । भाषा परीक्षा र सीपवापत एचआरडी कोरियाले तोकेको न्यूनतम शुल्क तिनुपर्छ । रोजगारीका लागि कोरिया पुगेपछि युवाले चार वर्ष १० महिना काम गर्न पाउँछन् ।

भाषा परीक्षा पास गर्ने सबै युवा कोरिया जान पाउँदैनन । किनभने भाषा परीक्षामा कोरियाले माग गरेको कामदारको संख्या भन्दा निक्कै बढी पास हुन्छन् । दक्षिण कोरियामा नेपालको दूतावास राजधानी सोलमा छ । कुनै समस्या परेमा सोलस्थित नेपाली दूतावासमा सम्पर्क गरे सल्लाह र सहयोग पाइन्छ ।

आप्रवासी कामदारलाई भाषा र संवाद सम्बन्धी अप्ठयारो परेमा आप्रवासी सहायता नम्बर १६४४–०६४४ मा सम्पर्क गरी नेपाली भाषाको लागि १२ थिचेर आफ्ना समस्या राख्न दूतवासमा टिपाउन सकिन्छ ।

न्यूनतम तलव ज्याला नदिएमा वा ढिला गरेमा, आप्रवासन र प्रवास सम्बन्धी समस्या परेमा, रोजगार परमिट प्रणाली विषयमा, औद्योगिक दुर्घटना भएमा, अन्तर्राष्ट्रिय विषयमा, मृत्यु र कर्मकाण्ड, ठगी, आक्रमण, नागरिक मुद्दा साथै अन्य समस्या राख्न सकिन्छ ।