काठमाडाैं- ढोरपाटन महिला डलब लिग भलिबल प्रतियोगिताको उपाधि विभागीय टोली नेपाल एपीएफ क्लबले जितेको छ । एक खेल अगाडीनै उपाधि जितेको एपीएफ क्लबले आइतबार भएको लिगको अन्तिम खेलमा नेपाल पुलिस क्लबलाई २५–१८, २५–२०, १९–२५, २५–१५ को सेटमा हराउँदै उपाधि जितेको हो ।

अर्को खेलमा त्रिभुवन आर्मी क्लबले पश्चिमाञ्चल महिला भलिबल टोलीलाई २६–२४, २०–२५, २५–१२, २५–१४ को सेटमा स्तब्ध बनायो । विजेता एपएिफले १४ खेलबाट ४२ अंक बनाएको थियो ।

दोस्रो भएको पुलिसले ३४ अंक बटुल्यो । तेस्रो भएको हार्मीले ३२ अंक जोड्यो । उपाधिसँगै एपीएफले तीनलाख ५० हजार रुपैयाँ पुरस्कार पायो । उपविजेता पुलिसले दुई लाख र तेस्रो भएको आर्मीले एक लाख रुपैयाँ प्राप्त गर्यो ।

एपीएफकी सरस्वती चौधरी प्रतियोगिताको सर्वोत्कृष्ट खेलाडी, आर्मीकी शान्ती थारु उदियमान खेलाडी, पश्चिमाञ्चलकी अरुणा शाही वर्ष खेलाडी, पुलिसकी कोपिला राना प्लेय अफ दि सिरिज र गोरखाका भीम प्रसाद देवकोटा भाग्यमानी दर्शक भए । उनीहरु सबैले सुजुकी स्कुटर पाए ।

यसैगरी पुलिसकी उशा भण्डारी उत्कृष्ट स्पाइकर, पुलिसकै कमला पुन सेटर, आर्मीकी सोफिया पुन ब्लकर, आर्मीकी सुनिता खड्का क्विकर, पुलिसकी शान्ति तामाङ डिफेन्डर, एपीएफकी नेविका चौधरी सर्भर र एपीएफकै ज्ञानेन्द्र बिष्ट उत्कृष्ट प्रशिक्षक भए । उत्कृष्टले जनही ६ हजार रुपैयाँ प्राप्त गरे ।