काठमाडौं– नेपालले पछिल्लो ५ महिनामा मात्रै ६ खर्ब ७ अर्ब रुपैयाँभन्दा बढीको आयात गरेको छ ।

नेपाल राष्ट्र बैकको तथ्याङ्कअनुसार पछिल्लो ५ महिनामा साढे ३७ अर्बको मात्रै निर्यात भएको छ । राष्ट्र बैकको तथ्यांक अनुसार अघिल्लो आर्थिक वर्षको तुलनामा पछिल्लो ५ महिनामा व्यापारघाटा बढेर ३६ प्रतिशतले बढेर ५ खर्ब ६९ अर्ब रुपैया पुगेको छ ।

विकास खर्च बढ्यो

राष्ट्र बैककै तथ्याङ्कअनुसार अघिल्लो आर्थिक वर्षको तुलनामा पछिल्लो ५ महिनामा पुँजीगत खर्च भने बढेको छ । तथ्याङ्कअनुसार पछिल्लो ५ महिनामा विकास खर्च अघिल्लो वर्षको तुलनामा करिब १० अर्ब रुपैयाँ बढी खर्च भएको छ । सरकारी रेकर्डअनुसार अघिल्लो वर्षको पहिलो ५ महिनामा विकास २४ अर्ब खर्च भएकोमा यसवर्ष बढेर ३४ अर्ब पुगेको छ । चालु खर्च भने करिब १ अर्ब कम खर्च भएको छ ।