काठमाडौं – खुलामञ्चलाई खाली गराउन काठमाडौं महानगरकी उपमेयर हरिप्रभा खड्गीले आफ्नै प्रमुख प्रशासकीय अधिकृतलाई पत्राचार गरेकी छन् । उनले महानगरका मेयर विद्या सुन्दर शाक्यलाई समेत बोधार्थ दिएर खुलामञ्च खाली गराउन निर्देशन दिएकी छिन् ।

गत बुधवार उपमेयर खड्गी, प्रशासन विभागका विभागीय प्रमुख, शहरी पूर्वाधार विकास विभाग र नगर प्रहरी महाशाखाका प्रतिनिधि सहितको टोलिले टुँडिखेल, खुलामञ्च र रानीपोखरी अनुगमन गरेको थियो ।

अकुपाइ टुँडिखेलका अभियान्ताले महानगरलाई टुँडिखेल खाली गराउन पत्र दिएसँगै उनी अनुगमनका लागि आएकी थिइन् ।

उनले अनुगमनकै क्रममा पत्रकारसँग अन्तक्रिया गर्दै खुलामञ्चको अनाधिकृत पार्किङलाई तुरुन्त हटाउउने प्रतिवद्धता व्यक्ति गरेकी थिइन् ।
अनुगमनका क्रममा देखिएका तथ्यहरु केलाउँदै उनले सुधार गर्नका लागि यसरी पत्र लेखेकी छिन् ।