काठमाडौं – कलाकार अनमोल केसी र भुवन केसीले रियालिटी शो ‘को बन्छ करोडपति’ मा सहभागी भएर जितेको रकम धुर्मुस सुन्तली फाउन्डेसनले निर्माण गर्न लागेको अन्तर्राष्ट्रिय स्तरको क्रिकेट रंगशालाका लागि दिने भएका छन् ।

‘शो’ मा सहभागी हुँदै अनमोल केसीले आफूले जितेको रकम धुर्मुस सुन्तली फाउन्डेसनलाई दिने घोषणा गरेका हुन् ।

अभिनेता राजेश हमालले सञ्चालन गर्ने रियालिटी शो ‘को बन्छ करोडपति’ मा अनमोललाई केही प्रश्न सोधिएको थियो । ती प्रश्नको सही उत्तर मिलाएपछि अनमोल केसीलाई रकमस्वरुप तीन ३ लाख २० हजार चेक हस्तान्तरण गरिएको थियो ।

यता धुर्मुस सुन्तली फाउन्डेसनले पनि क्याप्टेन टिमले सहयोग गर्ने उद्घोष गरेकोमा खुशी व्यक्त गरेको छ । सामाजिक सञ्जाल फेसबूकमा लेख्दै धुर्मुस सुन्तली फाउन्डेसनले लेखेको छ, ‘गौतम बुद्ध अन्तर्राष्ट्रिय क्रिकेट रंगशाला निर्माणका लागि धुर्मुस सुन्तली फाउन्डेसलाई सहयोग गर्ने उद्घोषले हामीलाई अझै धेरै हौसला मिलेको छ ।’

धुर्मुस सुन्तली फाउन्डेसनले चितवनमा ३ अर्ब लगानीमा अन्तर्राष्ट्रिय स्तरको रंगशाला निर्माणको घोषणा गरेको छ । अहिले यसका लागि जुटाइरहेको छ ।