सिन्धुपाल्चोक– सिन्धुपाल्चोकको एक रेष्टुरेन्टमा जुवा खेलिरहेको अवस्थामा ११ जना जुवाडेलाई प्रहरीले पक्राउ गरेको छ ।

मेलम्चीको रोज एण्ड रेष्टुरेण्टमा बिगत ४ दिन देखि तास खेलिरहेको विशेष सुराकीको आधारमा उनीहरुलाई आइतबार पक्राउ गरिएको इलाका प्रहरी कार्यलय मेलम्चीले जानकारी दिएको छ ।

उनीहरुको साथबाट नगद ५७ हजार ७ सय ७० रुपैयाँ, ४ बुक तास र १३ थान मोबाइल समेत बरामद गरेको छ ।

पक्राउ परेका हरुलाइ थप कारबाहीका लागि अनुसन्धान जारी रहेको इलाका प्रहरी कार्यलय मेलम्चीका प्रहरी निरीक्षक महेन्द्र दर्नालले जानकारी दिए ।

पक्राउ पर्नेमा सोनाम तामाङ, विजय तामाङ, राम गिरि, सुरेश तामाङ, राम कुमार तामाङ, राजु मगर, विकास तामाङ, गणेश तामाङ, जित बहादुर तामाङ, योङ तामाङ, विकास तामाङ रहेका छन् ।