काठमाडौं– नेपाल कम्युनिष्ट पार्टी (नेकपा) ले कास्की प्रतिनिधिसभा क्षेत्र नम्बर २ को उम्मेदवारमा विद्या भट्टराईको नाम टुंगो लगाएको छ ।

आइतबार बसेको नेकपा सचिवालय बैठकले विद्या भट्टराईको नाम टु‌ंगो लगाएकाे हो ।

नेकपा गण्डकी प्रदेशले स्वर्गीय नेता रवीन्द्र अधिकारी पत्नी विद्या भट्टराईसहित तीन जनाको नाम सिफारिस गरेर केन्द्रमा पठाएको थियो।

प्रदेशले भट्टराईसहित नेताहरु सोमनाथ प्यासी र राजकाजी गुरुङको नाम पठाएको थियो । सचिवालय बैठकले विद्याकै नाममा सहमति जुटाएको हो।

जिल्ला कमिटी कास्कीले कात्तिक ८ गते विद्या भट्टराईको नाम सिफारिस गरेको थियो । तत्कालीन पर्यटनमन्त्री अधिकारीको हेलिकप्टर दुर्घटनामा परि निधन भएपछि रिक्त रहेको प्रतिनिधिसभा सदस्य पदका लागि कास्की नेकपाले भट्टराईको नाम सिफारिस गरेको थियो ।

तर, नेकपा गण्डकी प्रदेशले भने उम्मेदवारका लागि तीन जनाको नाम केन्द्रमा पठाएको थियो ।