काठमाडौं– प्रधानमन्त्री केपी शर्मा ओलीले आइतबार साँझ मन्त्रिपरिषदको आकस्मिक बैठक डाकेका छन् । बिहान मात्रै बसेको मन्त्रिपरिषदको बैठक बेलुकी पाँच बजेको लागि पुनः दोस्रो पटक बोलाइएको हो ।

प्रधानमन्त्रीका प्रेस सल्लाहकार कुन्दन अर्यालले बेलुकी बस्ने बैठक पनि बिहानकै निरन्तरता जस्तो भएको जानकारी दिए । ‘भोलि बोलाउने कि भन्ने थियो फेरि आजैँ साँझका लागि डाकिएको छ’ उनले भने ।

बेलुकी बैठक बस्ने भनेर खबर आएको बताइए पनि एजेन्डाबारे भने नखुलाइएको खबरहबलाई एक मन्त्रीले बताए ।

बिहान बसेको मन्त्रिपरिषद बैठकले डा. भगवान कोइरालालाई नेपाल मेडिकल काउन्सिलको अध्यक्षमा नियुक्त गर्ने निर्णय गरेको थियो ।

मिर्गौलामा समस्या आएपछि अस्वस्थ रहेका प्रधानमन्त्री ओलीले आज मात्रै त्रिवि शिक्षण अस्पताल पुगेर फोक्सोको एक्सरे गरेका थिए ।