काठमाडौं– दोलखाको मागे देउरालीबाट काठमाडौँ आउँदै गरेको बस सिन्धुपाल्चोकको सुकुटेमा दुर्घटना हुँदा मृत्यु हुनेको संख्या ९ पुगेकाे छ ।

आइतबार दिउँसो करिब १ बजे भएको दुर्घटनामा ३९ जना घाइते भएको जिल्ला प्रहरी कार्यालय सिन्धुपाल्चोकका प्रहरी नायब उपनिरीक्षक (डीएसपी) माधव काफ्लेले जानकारी दिए ।

नदीमा खसेको बसलाई बाहिर निकालिएको छ । नदीबाट निकालिएको बस खाली रहेको छ। बसमा भएका मानिस खोलाले बगाएका अनुमान गरिएको डीएसपी काफ्लेले बताए । खोलाले बगाएका शवहरुको खोजी जारी रहेको उनले जानकारी दिएका छन् ।

बा २ ख ७२४५ नम्बरको बस सिन्धुपाल्चोकको सुकुटेस्थित सुनकोशी नदीमा खसेको हो । बस खोलामा पूर्णरुपमा डुबेको थियो ।

घाइतेको अवस्था गम्भीर रहेकोले मृतकको संख्या बढ्ने अनुमान गरिएको छ । घाइतेको उपचारका लागि अस्पताल लगिँदैछ ।

घटनाका बारेमा थप विवरण आउँदैछ ।