विषालु च्याउ खाँदा एकै घरपरिवारका ९ जना बिरामी

१६ आश्विन २०७६, बिहिबार

पढ्न लाग्ने समय : < 1 मिनेट

भैरहवा– रुपन्देहीमा विषालु च्याउ खाँदा एकै घर परिवारका ९ जना बिरामी परेका छन् । बाँसघारीमा उम्रेको च्याउ खाँदा उनीहरु बिरामी परेका हुन् ।

विषालु च्याउ खाँदा सम्मरीमाई गाउँपालिकाका वडा नम्बर ६ का स्थानीय रामपुजन यादवको परिवारका सदस्य बिरामी परेको प्रहरीले जनाएको छ ।

गएराति च्याउ पकाएर खाएपछि उनीहरुमा बान्ता हुने, पेट दुख्ने जस्ता लक्षण देखिएको थियो । उनीहरुको स्थानीय अस्पतालमा उपचार भइरहेको छ ।

प्रकाशित मिति : १६ आश्विन २०७६, बिहिबार ७ : २३ बजे

प्रतिक्रिया