काठमाडौं– अन्तर्राष्ट्रिय क्रिकेट परिषद आइसीसीले जारी गरेको पछिल्लो वरियतामा नेपाल यथावत रहेको छ ।

आइसीसीले मंगलबार सार्वजनिक गरेको नयाँ वरियतामा नेपाल ११ औं स्थानमा यथावत छ । नेपाल एसोसिएट राष्ट्र मध्येको वरियतामा भने शीर्ष स्थानमा रहेको छ ।

नेपाल भन्दा तल दुई टेष्ट राष्ट्र जिम्बावे र आयरल्याण्ड रहेका छन् । जिम्बावे हाल निलम्बनमा छ । ट्वान्टी ट्वान्टीको वरियतामा पाकिस्तान शीर्ष स्थानमा छ भने इङ्गल्याण्ड दोस्रो, दक्षिण अफ्रिका तेस्रो, भारत चौथो तथा अष्ट्रेलिया पाँचौं स्थानमा रहेको छ ।

एकदिवसीय वरियतामा भने नेपाल १६ औं स्थानमा रहेको छ । इङ्गल्याण्ड शीर्ष, भारत दोस्रो, न्यूजिल्याण्ड तेस्रो, अष्ट्रेलिया चौथो र दक्षिण अफ्रिका पाँचौं स्थानमा रहेको छ । टेष्ट वरियतामा भने भारत पहिलो र न्यूजिल्याण्ड दोस्रो स्थानमा रहेको छ ।