वालिङ– स्याङ्जाको हरिनाथ गाउँपालिकामा मंगलबार विहान एकै परिवारका २ जनाको हत्या भएको छ ।
जिल्ला प्रहरी कार्यालय स्याङ्जाका अनुसार हरिनाथ गाउँपालिका–३ ललइमा धारिलो हतियार प्रहार गरी बाबु–छोराको हत्या भएको हो ।
प्रहरीका अनुसार घरमा सुतिरहेको अवस्थामा ललइका ३० वर्षीय भीमबहादुर खड्का र उनका ४ वर्षीय छोरा रिजन खड्काको हत्या भएको हो ।
बाबु–छोराको हत्या भएको ठाउँमा प्रहरी टोली परिचालन भएको जनाइएको छ ।
धारिलो प्रहार गरेर बाबु–छोराको हत्या भएको विषय जानकारीमा आएपनि हत्यारा भने पत्ता लागिनसकेको प्रहरीको भनाइ छ ।
हत्याराको खोजी जारी रहेको जिल्ला प्रहरी कार्यालय स्याङ्जाले जनाएको छ ।
प्रतिक्रिया