काठमाडौं – नायिका साम्राज्ञी राज्यलक्ष्मी शाहले चलचित्र ‘ड्रिम्स’ बाट नेपाली फिल्म उद्योगमा डेब्यु गरिन् । यो फिल्मले उनलाई एकाएक चर्चित बनायो । एकाएक सबैको नजरमा परिन् उनी । त्यसपछि लगातार गरेका उनका अन्य फिल्मबाट साम्राज्ञीले आरोप पनि खेप्नुप–यो कि, सबै फिल्ममा एकनासको अभिनय भयो ।

हाल रिलिज भएको चलचित्र ‘मारुनी’ मा भने साम्राज्ञीले पहिलेका तुलनामा अभिनयमा सुधार गरेकी छिन् ।

उनको अभिनयको धेरैले तारिफ गरेका छन् ।

चलचित्रमा साम्राज्ञीले एक प्रेमीकाको भूमिका निभाएकी छिन् । आफ्नो बच्चादेखिको प्रेम पाउन गर्ने कसरत फिल्ममा देखाइएको छ । साम्राज्ञीले चलचित्रमा एक समलिंगी पात्रको भूमिका निभाएकी छिन् ।

नवल नेपालले निर्देशन गरेको यो फिल्ममा पुष्प खड्का, रेविका गुरुङ, प्रधान, अर्जुन श्रेष्ठ, शंकर सेढाइ, विनोद भट्टराई, सुशील श्रेष्ठ लगायतले समेत अभिनय गरेका छन् ।

फिल्ममा पुनप गौतमको लगानी छ भने नवल नेपालको लेखन तथा निर्देशन छ । निर्देशक नेपाललाई फिल्म लेखनमा गोविन्द फुयाँलले साथ दिएका छन् ।

मित्र डी गुरुङको सम्पादन, सञ्जय लामाको छायांकन रहेको यो फिल्मले हलमा मिश्रित प्रतिक्रिया पाएको छ ।