लाहौर– पाकिस्तानको लाहौर शहरस्थित अलामा इकबाल अन्तर्राष्ट्रिय विमानस्थलमा गोली चल्दा २ जनाको ज्यान गएको छ । बुधबार विमानस्थलको मुख्य टर्मिनल अगाडि दुई बन्दुकधारीले गोली चलाउँदा अर्का एक जना घाइते भएका छन् ।
साउदी अरबमा इस्लामिक तीर्थ पूरा गरी फर्केका मानिसलाई लक्षित गरी गोली प्रहार भएको जनाइएको छ । व्यक्तिगत झगडाका कारण गोली चलेको प्रहरीले जनाएको छ । घटनालगत्तै प्रहरीले बन्दुकधारीलाई पक्राउ गरेको थियो ।
बन्दुकधारीले अन्तर्राष्ट्रिय विमानस्थलभित्र कसरी बन्दुक लैजान सफल भए भन्नेबारे अनुसन्धान अघि बढाइएको त्यहाँका वरिष्ठ प्रहरी अधिकारी सफ्दर राजा काजीले जनाएका छन् ।
प्रतिक्रिया