काठमाडौं– विप्लव नेतृत्वको नेपाल कम्युनिस्ट पार्टी निकट पूर्वी कमाण्डले संखुवासभामा आफ्ना कार्यकर्तामाथि भएको प्रहरी दमनको भर्त्सना गरेको छ ।

पूर्वी कमान्ड इन्चार्ज विषमले बुधबार प्रेस विज्ञप्ति जारी गर्दै गत माघ १६ गते संखुवासभाको तिलिचुङ– १ मा शान्तिपूर्ण राजनीतिक कार्यक्रममा सहभागी कार्यकर्तामाथि भएको प्रहरी दमनको भर्त्सना गरेका हुन् ।

विषमद्वारा जारी विज्ञप्तिमा भनिएको छ, ‘गृह प्रशासनको ठाडो निर्देशनमा ३ ओटा हेलिकोप्टरबाट सशस्त्र फोर्स परिचालन गरी हाम्रो अभियान टोलीलाई चारैतिरबाट घेरी एकहोरो गोली चलाइयो र दोहोरो भिडन्तको हल्ला पिटियो ।’

उक्त घटनमा सबै ज्यान जोगाउन सफल भए पनि अझै दुई जना सम्पर्कमा नआएको विज्ञप्तिमा जनाइएको छ । दोहोरो भिडन्तको नाममा कार्यकर्तामाथि यातना दिने काममा राज्य लागि परेको पूर्वी कमाण्डको आरोप छ ।

विज्ञप्तिको पूर्ण पाठ