काठमाडौं – एकदिवसीय विश्वकप क्रिकेटमा पाकिस्तानले पहिलो जीत हात पारेको छ ।  इंग्ल्याण्डलाई घरेलु मैदानमा १४ रनले पराजित गरेको पाकिस्तानले विश्वकपमा उत्कृष्ट कमब्याक गरेको हो ।

टस हारेर पहिलो ब्याटिङ गरेको पाकिस्तानले दिएको ३ सय ४९ रनको लक्ष्य पछ्याएको इंग्लयाण्डले ५० ओभर पुरा खेल्दै ९ विकेट गुमाएर ३ सय ३३ रन मात्रै बनाउन सक्यो । नोटिनघामस्थित ट्रेन्ट ब्रिजनमा भएको खेलमा घरेलु टोलीविरुद्ध पाकिस्तानी बलरले उत्कृष्ट प्रदर्शन गर्दै टिमलाई जीत दिलाए ।

३ सय ३३ रन बनाएको इङ्ग्ल्यान्डका लागि तेस्रो विकेटका रुपमा मैदान प्रवेश गरेका जोइ रुट र जोस बट्लरले शतक प्रहार गरे पनि टानेलीको जीतका लागि भने अपुग रह्यो । रुटले १०४ बलमा १० चौका र १ छक्का प्रहार गर्दै १०७ रन बनाएका थिए । यस्तै, बट्लरले ७६ बलमा ९ चौका र २ छक्काको मद्दतमा १०३ रन बनाएका थिए भने जोन बेरिस्टोले ३२ रन बनाएका थिए ।

इङ्ग्लयाण्डविरुद्ध पाकिस्तानका वाहब रीआजले उत्कृष्ट बलिङ गर्दै महत्वपूर्ण ३ विकेट लिएका थिए । यस्तै, शद्दाब खान र मोहम्मद अमिरले समान दुई–दुई विकेट लिए भने, मोहम्मद हफेज र सोयव मल्लीकले समान एक–एक विकेट लिए ।

यसअघि टस हारेर पहिलो ब्याटिङ गरेको पाकिस्तानले निर्धारित ५० ओभर पूरा खेल्दै ८ विकेट गुमाएर ३ सय ४८ रन बनाएको थियो ।
घरेलु टोलीविरुद्ध पाकिस्तानी ब्याट्सम्यानले उत्कृष्ट शुरुवात गर्दै आफ्नो ब्याटिङ लय पूरा खेलभरी कायम राख्दा इंग्लयाण्डविरुद्ध ठूलो लक्ष्य प्रस्तुत गर्न सफल भएको थियो ।

यसअघि पहिलो खेलमा पाकिस्तानी ब्याट्सम्यानको कमजोर प्रदर्शनकै कारण १०५ रनमा समेटिएको थियो भने इंग्लयाण्डविरुद्ध पाकिस्तानी ब्याट्सम्यानले उत्कृष्ट कमब्याक गरेका थिए । पाकिस्तानका लागि मोहम्मद हफेजले ८४ रनको इनिङ्स खेले । उनले ६२ बलमा ८ चौका र २ छक्का प्रहार गरे । यस्तै, बाबर अजामले ६३ रन बनाएका थिए । उनले ६६ बलको सामना गर्दै ४ चौका र १ छक्का प्रहार गरे भने कप्तान सरफराज अहमदले ४४ बलमा ६ चौका प्रहार गर्दै ५५ रन बनाएका थिए । इमाम यल हकले ४४ रन, फकर जमानले ३६ रन र आसिफ अलिले १४ रन बनाए ।

टस जितेर पहिलो फिल्डिङ रोजेको इंग्लयाण्डका मोइन अलि र क्रेस वार्केसले समान तीनतीन विकेट लिए भने मार्क उड दुई विकेट लिए । घरेलु टोलीले पहिलो बलिङ रोजे पनि बलरहरुले लय समात्न नसक्दा पाकिस्तानी बलरलाई रोक्न सकेन् ।