काठमाडौं– केन्द्रीय तथ्यांक विभागले चालु आर्थिक वर्षको ९ महिनाका तथ्यांक र सूचनाका आधारमा सातै प्रदेशको आर्थिक वृद्धि–दर प्रक्षेपण गरेको छ ।

तथ्याङ्क अनुसार चालु आर्थिक वर्षमा सबैभन्दा बढी प्रदेश ५ को ७.३६ प्रतिशतले आर्थिक वृद्धि हुने अनुमान गरिएको छ । त्यस्तै सबैभन्दा कम कर्णाली प्रदेशको ५.६८ प्रतिशत आर्थिक वृद्धिदर हुने तथ्यांक छ । ७.०६ प्रतिशतले दोस्रोमा गण्डकी प्रदेश रहेने प्रक्षेपण छ ।

त्यस्तै प्रदेश २ को ६.५३, प्रदेश १ को ६.४९ र ६.५३ प्रतिशतले प्रदेश २ चौथौ, ६.४९ प्रतिशतले प्रदेश १ पाचौं र ६.२५ प्रतिशतले सुदुरपश्चिम प्रदेश छैठौं आर्थिक वद्धि दर हालिस गर्ने स्थानमा रहेको तथ्याङ्कले देखाएको छ ।

विभागका अनुसार प्रदेश ३ को सबैभन्दा बढी कूल गार्हस्थ्य उत्पादन मूल्य (१० खर्ब ३९ अर्ब २९ करोड ७० लाख र उपभोक्ता मूल्य १४ खर्ब ३२ अर्ब ७५ करोड ६० लाख) रहको छ ।

त्यस्तै सबैभन्दा कम कर्णाली प्रदेशको कूल गार्हस्थ्य उत्पादन मूल्य ( १ खर्ब १७ अर्ब ३४ करोड ५० लाख र उपभोक्ता मूल्य १ खर्ब १९ अर्ब २५ करोड ९० लाख) रहको छ ।

तथ्याङ्क अनुसार सबैभन्दा बढी प्रदेश ३ मा प्रतिव्यक्ति आय २ हजार ४९ अमेरिकी डलर रहेको छ । त्यस्तै दोस्रो गण्डकी प्रदेशमा ९ सय ४८, तेस्रा प्रदेश १ मा ८ सय ८२, चौथो प्रदेश ५ मा ७ सय ९६, पाचौं सुदुरपश्चिम प्रदेशमा ६ सय ८५, छैठौंमा प्रदेश २ मा ६ सय ५१ र सबैभन्दा कम कर्णाली प्रदेशमा ६ सय १ अमेरिकी डलर रहेको तथ्यांकमा उल्लेख छ ।

राष्ट्रियस्तरमा भने प्रतिव्यक्ति आय १ हजार ३४ डलर रहेको छ ।