काठमाडौं– मुलपानीमा निर्माणाधिन अन्तराष्ट्रिय क्रिकेट रंगशाला २ वर्षभित्र संचालनमा आउने भएको छ ।

राष्ट्रपति विद्यादेवी भण्डारीले शुक्रबार सार्वजनिक गरेको आगामी आर्थिक वर्षको नीति तथा कार्यक्रममा मुलपानीको रंगशाला २ वर्षभित्र सञ्चालनमा ल्याइने उल्लेख गरिएको छ ।

निजी क्षेत्रको अग्रसरतामा हुने क्रिकेट खेल लगायतका खेलमैदानलाई सरकारले प्रोत्साहन गर्ने नीति तथा कार्यक्रममा उल्लखे गरिएको छ ।

क्रिकेट खेलको विकासका लागि एकेडेमीको स्थापना गर्ने लक्ष्य सरकारले लिएको छ ।

काठमाडौंमा अन्तराष्ट्रिय स्तरको खेलकुद परिसर स्थापना गर्न आगामि आर्थीक वर्षमा विस्तृत परियोजना प्रतिवेदन तयार गरिने नीति तथा कार्यक्रममा जनाइएको छ ।

७ प्रदेशमा सुविधासम्पन्न रंगशाला र स्थानीय तहमा दिर्घकालीन रुपमा काम लाग्ने खेल क्षेत्रको संरचना विकास गर्ने लक्ष सरकारले लिएको छ । १३ औं दक्षिण एसियाली खेलकुद प्रतियोगिता भव्यरुपमा सम्पन्न गर्ने सरकारले जनाएको छ ।