काठमाडौं– राष्ट्रपति विद्यादेवी भण्डारीले सरकारको आगामी आर्थिक वर्षको नीति तथा कार्यक्रम संसदमा पेश गर्दै काठमाडौंलाई भारत र चीनदुबै तर्फ जोड्ने रेल विरगञ्ज–काठमाडौं र रसुवागडी–काठमाडौं रेल मार्गको डीपीआर तयार गरी दुई वर्ष भित्र निर्माण कार्य गरिने जनाएकी छिन् ।

जयनगर–विजलपुरा र भारतको बचनाहदेखि विराटनगरसम्म आगामी वर्षसम्म भित्र रेलसेवा सञ्चालन गरिने छ । बिजलपुरा–वर्दिवाससम्मको रेलमार्ग निर्माण कार्य सम्पन्न गरिने छ ।

राष्ट्रपति भण्डारीले नेपालीको आफ्नै पानी जहाजमा यात्रा गर्ने चाहना छिट्टै पूरा हुने अवस्थामा रहेको बताएकी छिन् । पानी जहाज कार्यालय स्थापना र त्यसका लागि नीति र कानूनी पूर्वाधार तयारी जलमार्ग र समुन्द्रमा नेपाली झण्डा भएको पानी जहाज सञ्चालनमा ल्याइने बताइन् ।