काठमाडौं– राष्ट्रपति विद्यादेवी भण्डारीले चीन र नेपालबीचको सम्बन्ध नयाँ उचाइमा पुगेको बताएकी छन् ।

शुक्रबार संघीय संसदको संयुक्त वैठकलाई सम्बोधन गर्दै राष्ट्रपति भण्डारीले आफ्नो चीन भ्रमणबाट दुवै देशको सम्बन्ध नयाँ उचाइमा पुगेको बताएकी हुन् ।

राष्ट्रपति भण्डारीले वर्तमान सरकार राष्ट्रिय कार्यभार पूरा गर्न काम गरिरहेको पनि बताइन् । सबै किसिमका संक्रमण अन्त भइ शान्ति र स्थायित्व कायम भएको पनि राष्ट्रपतिको भनाइ छ ।

सरकार गठन भएपछि कानून तर्जुमा गर्ने काम सम्पन्न भएको उल्लेख गर्दै राष्ट्रपति भण्डारीले संविधान कार्यान्वयनमा सबैलाई एकजुट बनाउन सरकार सफल भएको पनि गरिन् ।

पृथकतावादको अन्त्य भएको उल्लेख गर्दै राष्ट्रपति भण्डारीले संविधानको सर्वस्वीकार्यतामा अब विमति नरहेको पनि बताइन् ।

‘जनअभिमतलाई सम्मान गर्ने सबै शक्तिहरु संविधानलाई आत्मसाथ गरी मूलधारमा आउनु असाधारण उपलब्धी हो,’ राष्ट्रपति भण्डारीले भनिन् ।