काठमाडौं- भारत हुदै तेस्रो देश वैदेशिक रोजगारीमा लैजान लागिएकी एक महिलाको उद्धार गरिएको छ ।

भारतको राजधानी नदिल्लीबाट हेल्प मिशनका अध्यक्ष कवि कार्की र सचिव महेन्द्र केसीले ती महिलालाई उद्धार गरि परिवारलाई जिम्मा लगाएका छन् । उद्धार गरिएकी चेलीलाई टेकनारायण पौडेलको रोहवरमा उनकी दिदी जमुना सापकोटालाई जिम्मा लगाएको कार्कीले जानकारी दिए ।

उद्धार गरिएकी महिलालाई रोजगारीमा तेस्रो देश पठाउन दिल्ली पुराएको थियो । उनलाई दलाल राजकुमार श्रेष्ठ (राज)ले ३ महिनामा दिल्लीमा बन्धक बनाएर राखेका थिए । उद्धार गरिएकी महिलाका अनुसार तीन महिनासम्म दिल्लीमा बन्धक बनाएर राखेको बताइन ।

उनलाई दलालले नक्कली भिसा, नक्कली पुलिस रिपोर्ट, नक्कली टिकट बनाएर भारत, श्रीलका हुदै कुवेत पठाउने आश्वासन दिएको उनको भनाइ छ ।

श्रीलंका हुँदै खाडीका देश र कुवेत पठाउने बहानामा भारतको पूर्वोत्तर राज्य असम, र दिल्लीमा आफु जस्ता धेरै महिला रहेको उद्धार गरिएकी महिलाले जानकारी दिएको मिशनका अध्यक्ष कार्कीले भनाई छ ।