काठमाडौं – आज शुक्रवारबाट नेपालका सिनेमा घरमा फिल्म ‘दाल, भात, तरकारी’ प्रदर्शनमा आएको छ । यो फिल्मले सिनेमा हलमा एक्लै प्रदर्शनको मौका पाएको छ । फिल्मले समीक्षात्मक रुपमा ‌औसत प्रतिक्रिया पाएको छ ।

मल्टिस्टारर फिल्म ‘दाल, भात, तरकारी’ मा हरिवंश आचार्य, निरुता सिंह, मदनकृष्ण श्रेष्ठ, पुष्प खड्का, आँचल शर्मा, बसुन्धरा भुसाल लगायत कलाकारको अभिनय देख्न सकिन्छ । चलचित्रले अमेरिका जान मरिहत्ते गर्ने नेपालीको कथालाई कथानक बनाइएको छ ।

चलचित्रमा हरिवंश आचार्यको कथा रहेको छ भने सुदन केसीले निर्देशन गरेका छन् । सुदन केसीको यो पहिलो डेब्यु निर्देशन फिल्म पनि हो ।

यस्तै सिनेमा घरमा चैत्र २९ गते रिलिज भएको फिल्म ‘ए मेरो हजुर ३’ पनि प्रदर्शन भइरहेको छ । यो फिल्ममा अनमोल केसी र सुहाना थापाको जोडी देख्न सकिन्छ । त्यो बाहेक अन्य विदेशी फिल्म पनि प्रदर्शनमा छन् ।