मुम्बई – बलिउड अभिनेत्री परिणीति चोपडा बलिउडमा डेब्यु गरेको झण्डै ८ वर्ष भयो । यी ८ वर्षमा उनले फिल्मको सफलता र असफलतालाई निकै नजिकबाट देखिन् । बलिउड फिल्म क्षेत्रमा केही यस्ता कलाकार छन्, जोसँग परिणीतिको राम्रो कुराकानी हुने गर्छ ।

परिणीतिलाई लाग्छ, बलिउडमा राम्रो साथी पाउन निकै गाह्रो छ । उनले आफूलाई लक्की पनि मान्छिन् । किनकि, उनी अर्जुन कपूरकी मिल्ने साथी हुन् ।

परिणीतिले फिल्म ‘इशकजादे’ बाट आफ्नो फिल्मको करिअर शुरु गरेकी थिइन् । त्यतिबेलादेखि नै यी दुई साथी भए । हालै आएर परिणीतिले अर्जुन कपूरसँगको मित्रतालाई लिएर भनिन्, ‘हाम्रो सम्बन्ध प्रेम र घृणावाला हो, बलिउडमा राम्रो साथी पाउन निकै गाह्रो छ, तर मलाई अर्जुन राम्रो साथीका रुपमा मिल्यो ।’

उनले अर्जुनलाई आफ्नो फोन दिनुपर्दा पनि आफूलाई कुनै गाह्रो नहुने बताइन् । उनका फोनमा ५० वटाभन्दा बढी सेल्फी छन्, ती सबै अर्जुनका हुन् । परिणीतिलाई मलाइकाको बिहेलाई लिएर सोध्दा उनले भनिन्, ‘मलाई थाहा छैन, उनीहरु बिहे गर्दैछन् कि छैनन् ।’

परिणीति चोपडा पछिल्लो समय अक्षय कुमार स्टारर फिल्म ‘केसरी’ मा अभिनय गरेकी थिइन् । उनका केही फिल्म रिलिजको तयारीमा छन् ।