काठमाडौ – युरोपा लिग फुटबलको शुक्रबार राति भएको दोस्रो खेलमा चेल्सीले फ्रेन्कफर्डसँग अंक बाडेको छ।

सेमिफाइनलको पहिलो लेगमा चेल्सीले फ्रेन्कफर्डसँग १-१ बराबरि खेलेको हो। फाइनलमा स्थान बनाउन पहिलो लेगमा कमजोर प्रदर्शन गरेको चेल्सीका लागि दोस्रो लेगमा फराकिलो जीतको आवश्यकता हुन्छ।

तर, फ्रेन्कफर्डसँगको पहिलो लेगमा पनि चेल्सीले अग्रता तोड्दै बराबरी खेलेको हो। खेलको २३ औं मिनेटमा लुका जोभिकको गोलमा फ्रेन्कफर्डले चेल्सीविरुद्व अग्रता बनाएको थियो।

तर, चेल्सीका लागि पेड्रोले पहिलो हाफको अन्तिममा गोल गर्दै खेल १-१ को बराबरीमा पुर्‍याएका थिए। उनले खेलको ४५ औं मिनेटमा गोल गरे। दोस्रो हाफमा गोल थप्न नसक्दा चेल्सीले बराबरी खेल्नु परेको हो।