दक्षिण कोरिया– दक्षिण कोरियाले विश्वमै पहिलोपटक पाचौँ पुस्ताको मोबाइल इन्टरनेट सेवा व्यावसायिक रुपमा वितरण गर्ने भएको छ । आगामी शुक्रबारबाट दक्षिण कोरियाको सबैभन्दा ठूलो एसके टेलिकमले व्यावसायिक रुपमा पाचौँ पुस्ताको मोबाइल इन्टरनेट सेवा फाइभ जी वितरण गर्न लागेको जनाएको हो ।

यससँगै दक्षिण कोरियाको मोबाइल उपकरण बनाउने कम्पनी सामसुङको ग्यालेक्सी एस १० स्मार्टफोनमा उच्च गुणस्तरमा तीब्र गतिको मोबाइल इन्टरनेट प्रयोग गर्न पाइनेछ ।

दक्षिण कोरियाली सेवाग्राहीलाई उच्च गुणस्तरको इन्टरनेटको तीब्रता र पिक्चर क्वालिटी उपलब्ध गराउनका लागि फाइभजी सेवा शुरु गर्न लागिएको एसके टेलिकमका कार्यकारी उपाध्यक्ष ¥यु योङ साङले जनाएका छन् ।

उनका अनुसार फाइभ जीले स्मार्टफोनमा गेमको स्ट्रिमिङमा थोरै समय मात्र ढिलाई गर्ने भएकाले यस सेवाले गेमिङ उद्योगको रुपरेखा नै परिवर्तन गर्नेछ ।

फाइभजी प्रविधिबाट हाल प्रचलनमा रहेको चौथो पुस्ताको फोरजी प्रविधिभन्दा २० गुणा तीब्र गतिमा इन्टरनेट चलाउन सकिने बताइएको छ ।