काठमाडौं– वैदेशिक रोजगार विभागको ताहाचलस्थित कार्यालयको सुरक्षार्थ खटिएका एक प्रहरी जवान घुससहित पक्राउ परेका छन् ।
महानगरीय दंगा नियन्त्रण प्रहरी गण त्रिपुरेश्वर दरबन्दी भइ ताहाचलमा कार्यरत प्रहरी जवान गणेश लोहार घुससहित पक्राउ परेका हुन् ।
साउदी अरबका लागि श्रम स्विकृती लिने सेवाग्राहीसँग १७ हजार रुपैयाँ घुस लिएको अवस्थामा प्रहरी जवान लोहार पक्राउ परेका हुन् ।
महानगरीय प्रहरी बृत्त कालीमाटीबाट खटिएको टोलीले प्रहरी जवान लोहारलाई मंगलबार घुससहित पक्राउ गरेको थियो ।
घुससहित पक्राउ परेका लोहारमाथि अहिले अख्तियार दुरुपयोग अनुसन्धान आयोगले थप अनुसन्धान गरिरहेको छ ।
प्रतिक्रिया