काठमाडौं– न्यायाधीशहरुको राष्ट्रिय सम्मेलन राजधानीमा शुरु भएको छ । बुधबार(आज) बाट शुरु भएको सम्मेलन शुक्रवारसम्म चल्ने छ । सम्मेलनमा देशभरका न्यायाधीशरुले भाग लिएका छन् ।

सर्वोच्च र उच्च अदातलका लागि मंगलबार सिफारिस भएका न्यायाधीशहरुका बारेमा विभिन्न टिक्काटिप्पणी भइरहेको बेलामा शुरु भएको यो सम्मेलनलाई चासोका साथ हेरिएको छ ।

सम्मेलनको उद्घाटन बुधबार राष्ट्रपति विद्यादेवी भण्डारीले राजधानीको राष्ट्रिय सभागृहमा गरेकी छिन् ।

सम्मेलनमा भाग लिन जिल्ला अदालतका २ सय ३५ र उच्च अदालतका १ सय ४४ सहित देशभरका करिब ५ सय न्यायाधीशहरु काठमाडौँमा भेला भएका छन्। सम्मेलनमा न्यायपालिकासम्बन्धी चार वटा कार्यपत्र प्रस्तुत कार्यक्रम रहेको छ ।

यो तेस्रो सम्मेलन हो । यसअघि २०७१ साल मंसिरमा न्यायाधीशहरुको दोस्रो सम्मेलन भएको थियो ।