काठमाडौं– सरकारी चिकित्सक संघ (गोदान)ले सरकारी चिकित्सकहरुको आकस्मिक बैठक बोलाएको छ ।

संघीय मामिला तथा सामान्य प्रशासन मन्त्रालयले मंगलबार स्वास्थ्य सेवाका कर्मचारीको समायोजनको सूची सार्वजनिक गरेपनि त्यसमा आफूहरुको माग सम्बोधन नभएको भन्दै गोदानले आकस्मिक बैठक बोलाएको हो । गोदानले सबै सरकारी चिकित्सकहरुलाई आज (बुधबार) दिउँसो साढे तीनबजे राष्ट्रिय ट्रमा सेन्टरमा भेला हुन आब्हान गरेको छ ।

सरकारले स्ववास्थ्य सेवाका ७,८,९ र १० औं तहको कर्मचारीको समायोजनको सूची सार्वजनिक गरेको थियो । सरकारी चिकित्सकलाई संघ मातहतमा राखेर समायोजन गर्नुपर्ने माग गर्दै आएको गोदानले  माग पुरा नभए सामुहिक राजीनामा दिने चेतावनी पनि दिएको थियो ।

गोदानले सरकारसँग भएको सम्झौता र चिकित्सा विज्ञान राष्ट्रिय प्रतिष्ठान (न्याम्स) को उपकुलपति तथा पदाधिकारी नियुक्तीको विषयमा बैठकमा छलफल गर्ने जनाएको छ ।